- Get link
- X
- Other Apps
નવી દિલ્હી : એક બિઝનેસમેન પાસેથી એક લાખ રૂપિયાની લાંચ લેવાના આરોપમાં આંતરરાષ્ટ્રીય બોક્સર અને અર્જુન એવોર્ડ વિજેતા જય ભગવાનને સસ્પેન્ડ કરી દેવામાં આવ્યો છે. તે હરિયાણાના હિસારમાં પોલીસ ઇન્સપેક્ટર હતો. તેની ઉપર લાંચ લેવાનો આરોપ છે. આ મામલે અન્ય એક પોલીસ અધિકારી ઉપર પણ તવાઈ આવી છે. એસપી સતેંન્દ્ર ગુપ્તાએ આદમપુર થાણામાં ઇન્ચાર્જ રહેલા જય ભગવાન સામે મળેલી ફરિયાદ ઉપર ડીએસપી ભગવાન દાસને તપાસની જવાબદારી સોંપવામાં આવી છે.
વેપારી પાસેથી લીધી લાંચ
આદમપુરના વેપારી મુકેશ ગોયલનો આરોપ હતો કે પોલીસે 31 ઓગસ્ટની સાંજે કોઈપણ ગુના વગર દુકાન ઉપર આવીને પાંચ યુવકની ધરપકડ કરી હતી અને તેમને પોલીસ સ્ટેશન લઈ ગયા હતા. પોલીસ જય ભગવાને યુવકોને છોડવાના મામલે મુકેશ ગોયલ પાસે એક લાખની લાંચ માંગી હતી. જ્યારે પૈસા મળી ગયો તો બધાને છોડી દેવામાં આવ્યા હતા. આટલું જ નહી દુકાનદારો ઉપર 10-10 હજાર રૂપિયાના હપ્તા આપવાનું દબાણ બનાવ્યું હતું.
ઓડિયોથી થયો ખુલાસો
બોક્સર ઉપર લાગેલા આરોપનો ખુલાસો એક ઓડિયો ક્લિપ દ્વારા થયો હતો. જેમાં જયનો કોન્સટેબલ ધરપકડ કરાયેલા યુવકો પાસે 10-10 હજારની માંગણી કરતો હતો. આ ઓડિયો સાંભળ્યા પછી ડીએસપીએ કાર્યવાહી કરી હતી. જય ભગવાન ઉપર અન્ય એક વેપારીએ પણ ખરાબ વ્યવહારનો આરોપ લગાવેલો છે.
Comments
Post a Comment